Feitizo no val é o resultado dun proxecto moi especial, un libro de contos nados da colaboración dunha neta, Fátima de la Iglesia, e o seu avó, Xosé Manuel Lobato, quen foi engadindo imaxinación, palabras e moito corazón. Un tecido de historias nas que a fantasía, lendas, paisaxes e vivencias compartidas nas conversas, manteñen vivo o amor á terra. Unha fusión de creatividade nos contos acompañados con debuxos a toda cor elaborados por cativos da Escola de Sarandón( CRA Boqueixón-Vedra"Neira Vilas") e Amalia Brea "Luchi". Un libro para convidar á lectura conxunta da rapazada e os seus avós.

____