Cóntase, ao longo das súas 60 páxinas ilustradas, a historia da nosa lingua. É un libro de divulgación, cun enfoque humorístico e rigoroso, que, xunto ás ilustracións a dobre páxina e a toda cor, se fai de moi doada lectura.

A partir de 8 anos Estrutúrase arredor de doce períodos: 1) Que lingua falaban en Galiza antes da romanización; 2) A romanización; 3) A lingua de Galiza durante 700 anos; 4) Ao principio, lingua oral; 5) Conversión en lingua escrita; 6) A penetración do castelán; 7) Os Séculos Escuros; 8) A Ilustración; 9) O Rexurdimento; 10) O século XX; 11) A persecución no 36, e 12) A lingua galega hoxe.

____