Ollada sobre a Galiza de 1807 de Charles-Louis de Fourcroy, cónsul de Napoleón I en A Coruña, vén sendo como unha fotografía instantánea da Galiza de comezos do século XIX.

Nesta obra autógrafa e inédita incluso en Francia, conservada en París, dende hai máis de 200 anos, no Arquivo do Ministerio dos Asuntos Exteriores, o autor realizou unha descrición das sete antigas provincias galegas (Mondoñedo, Santiago, Ourense, Lugo, Betanzos, A Coruña e Tui), nas que detalla para cada unha delas: a poboación, portos, industria e comercio, fábricas e feiras, bancos e casas de seguros, cultivos e producións, ríos e mananciais... En apéndice, o autor reagrupa varias notas sobre os lugares de interese da Galiza dezanoveava e distintos mapas de Galiza para ilustrar o seu propósito. Finalmente, esta meticulosa exposición do Reino de Galiza realizada por un funcionario francés da administración napoleónica destinado en A Coruña, desvélanos tamén, entre liñas, algúns prexuízos que os nosos veciños franceses tiñan, acolá dos Pireneos, de España e en particular do noso país: GALIZA  

____

Editorial: Toxosoutos
Idioma: Gallego